اخبار جهان

ډونلډټرمپ : د ایران اووه ورځنی اوربند رد کړ؛ د جګړې د بیا پیل اټکلونه

اشتراک گذاری:

(بریانیوز شنبه (۴/ میزان /۱۴۰۵هـ.ش

د امریکا ولسمشر ډونلډ ټرمپ د ایران له لوري وړاندې شوی د اووه ورځني اوربند وړاندیز رد کړی دی

ټرمپ خپلو سلاکارانو ته ویلي چې ښايي د نومبر له منځمهاله ټاکنو وروسته پر ایران هوايي بریدونه بېرته پیل شي

د ایران په وړاندیز کې د هرمز تنګي د بېرته پرانیستلو او د اټومي خبرو د بیا پیل غوښتنه شوې وه. په بدل کې تهران له واشنګټن څخه غوښتي چې پر ایراني بندرونو سمندري محاصره پای ته ورسوي او اقتصادي فشارونه راکم کړي

د راپور له مخې، د ایران دغه وړاندیز د جګړې د درولو او د خبرو اترو د بیا پیل لپاره د یوه لنډمهاله چوکاټ په توګه مطرح شوی و

د هرمز تنګي د بیا پرانیستل کېدو موضوع د دې شخړې له مهمو برخو څخه ګڼل کېږي، ځکه دغه تنګی د نړۍ د انرژۍ د لېږد له مهمو سمندري لارو څخه دی

تر اوسه د امریکا حکومت په رسمي ډول نه دي تایید کړي چې له ټاکنو وروسته به پر ایران د هوايي بریدونو د بیا پیل په اړه پرېکړه شوې ده