مقاله

ریاض : سعودي، پاکستان او ترکیه د سعودي د امنیت او ځمکنۍ بشپړتیا ګډه دفاع کوو

اشتراک گذاری:

(بریانیوز شنبه (۴/ میزان /۱۴۰۵هـ.ش

د سعودي عربستان، پاکستان او ترکیې د پوځونو لوی درستیزانو په ریاض کې په یوه ګډه غونډه کې د سعودي عربستان د امنیت، حاکمیت او ځمکنۍ بشپړتیا د ساتنې لپاره پر ګډې دفاعي ژمنې ټینګار کړی دی

دغه غونډه د مکې د ګډې دفاعي تړون د غړو هېوادونو د استازو په حضور کې ترسره شوې ده. په ناسته کې د درېیو هېوادونو پوځي مشرانو د سیمه‌ییز امنیت او ګډې دفاع پر مهمو موضوعاتو خبرې کړې دي

د غونډې ګډونوالو پر مکې ښار او د سعودي عربستان پر ملکي او اقتصادي تاسیساتو بریدونه غندلي او ویلي یې دي چې د دغه هېواد امنیت او ځمکنۍ بشپړتیا باید خوندي پاتې شي

پوځي چارواکو همداراز د استخباراتي همکاریو د پراختیا، د پوځي همغږۍ د پیاوړتیا او د ګډې دفاع لپاره د دفاعي وړتیاوو د لوړولو په اړه بحث کړی دی

دوی ټینګار کړی چې د مکې د ګډې دفاعي تړون ژمنې باید په سمدستي توګه عملي شي او د درېیو هېوادونو ترمنځ دفاعي همکاري لا پیاوړې شي