مقاله

قبرس : د کارګرانو د کمښت د حل لپاره د کډوالۍ تګلاره بدلوي

اشتراک گذاری:

(بریانیوز شنبه (۴/ میزان /۱۴۰۵هـ.ش

قبرس غواړي د کډوالۍ په اړه خپله تګلاره بدله کړي او کډوالي یوازې د یوې ستونزې په توګه ونه ګوري، بلکې د هېواد د کارګرانو د کمښت د جبران لپاره ترې ګټه واخلي

د قبرس د کډوالۍ مرستیال وزیر ویلي، له ۲۰۲۲ کال راهیسې دغه هېواد ته د کډوالو راتګ ۹۲ سلنه کم شوی دی

د نوموړي په وینا، په داسې حال کې چې د کډوالو د راتګ کچه په پام وړ ډول راټیټه شوې، قبرس له بلې خوا د بېلابېلو برخو لپاره د کاري ځواک له کمښت سره مخ دی

د قبرس حکومت اوس هڅه کوي چې د هېواد د اړتیا وړ کارګرانو د برابرولو لپاره د مهاجرت له امکاناتو څخه هم استفاده وکړي

د دې تګلارې له مخې، د کډوالۍ موضوع یوازې د سرحدونو او امنیت له زاویې نه، بلکې د کار بازار او اقتصادي اړتیاوو له مخې هم ارزول کېږي