مقاله

د مالټا لومړی وزیر: د غزې د فلسطینیانو جبري بې‌ځایه کول د منلو وړ نه دي

اشتراک گذاری:

(بریانیوز شنبه (۴/ میزان /۱۴۰۵هـ.ش

د مالټا لومړي وزیر رابرټ ابلا ویلي، په غزه کې د فلسطینیانو جبري بې‌ځایه کول د منلو وړ نه دي او د دې سیمې د راتلونکي په اړه باید د فلسطینیانو حقونه په پام کې ونیول شي

ابلا د ملګرو ملتونو د عمومي اسامبلې په غونډه کې ویلي، د اسرائیل او فلسطین د شخړې د تلپاتې حل لپاره د دوو دولتونو رامنځته کول تر ټولو مهمه لاره ده

نوموړي په غزه کې د بشري مرستو د خوندي، چټک او بې‌خنډه رسېدو غوښتنه کړې او ټینګار یې کړی چې ملکي وګړو ته باید د اړینو مرستو د رسولو زمینه برابره شي

د مالټا لومړي وزیر همداراز ویلي، د اسرائیل خلک باید ډاډ ترلاسه کړي چې حماس به بې‌وسلې کېږي او د غزې په راتلونکي حکومت کې به رول نه لري

ابلا د اوکراین جګړې ته په اشارې سره د روسیې برید غندلی او د جګړې د پای ته رسېدو لپاره یې د یوې عادلانه سولې پر رامنځته کېدو ټینګار کړی دی