مقاله

دوحه/ تهران: پزشکیان او محمد ال ثاني په نیویارک کې د سیمه‌ییز امنیت په اړه خبرې وکړې

اشتراک گذاری:

(بریانیوز شنبه (۴/ میزان /۱۴۰۵هـ.ش

د ایران ولسمشر مسعود پزشکیان په نیویارک کې د قطر د بهرنیو چارو له وزیر محمد بن عبدالرحمن ال ثاني سره لیدلي او د سیمې د امنیت او ثبات په اړه یې خبرې کړې دي

دواړو لورو په دې لیدنه کې د خبرو اترو او ډیپلوماسۍ له لارې د سیمه‌ییز امنیت د پیاوړتیا او د کړکېچونو د کمولو لپاره د مناسب چاپېریال پر رامنځته کولو ټینګار کړی دی

د قطر د بهرنیو چارو وزارت په یوه اعلامیه کې ویلي، په دې کتنه کې د ایران او قطر پر دوه اړخیزو اړیکو او د دواړو هېوادونو ترمنځ د همکاریو د پراختیا په اړه هم خبرې شوې دي

دغه لیدنه په داسې مهال ترسره شوې چې په سیمه کې د تاوتریخوالي او امنیتي کړکېچونو د کمولو لپاره د ډیپلوماټیکو هڅو د دوام غوښتنې مطرح کېږي