تکنولوژی

البانیا لومړي ادي راما: د مهمو پرېکړو قضاوت باید مصنوعي ځیرکتیا ته ونه سپارل شي

اشتراک گذاری:

(بریانیوز شنبه (۴/ میزان /۱۴۰۵هـ.ش

د البانیا لومړي وزیر ادي راما ویلي، انسانان باید د خپلو مهمو پرېکړو قضاوت او مسوولیت مصنوعي ځیرکتیا ته ونه سپاري

راما د ملګرو ملتونو د عمومي اسامبلې په غونډه کې ویلي، د کار او پوهې په پراخه کچه مصنوعي ځیرکتیا ته سپارل ښايي په پای کې انسانان د خپلواک قضاوت له وړتیا څخه بې برخې کړي

نوموړي ټینګار کړی چې د مصنوعي ځیرکتیا له مهمو خطرونو څخه یو دا دی چې د انسانانو غوښتنې په پراخه کچه عملي کولی شي او له دې ټکنالوژۍ څخه د ناسمو معلوماتو او درواغو د خپرولو لپاره هم کار اخیستل کېدای شي

هغه ویلي، د هرې مهمې عامه پرېکړې تر شا باید یو مسوول انسان موجود وي، څو د پرېکړې پایلو ته ځواب ووايي او انساني قضاوت پکې خوندي پاتې شي

د البانیا لومړي وزیر زیاته کړې چې هېواد یې له مصنوعي ځیرکتیا څخه د عامه خدمتونو د اسانه کولو، د ادارو د چارو د ښه والي او په حکومت کې د لا ډېرې روڼتیا لپاره هم ګټه اخلي