سیاست

خلیلزاد: د افغانستان په اړه د شهباز شریف څرګندونې د پاکستان تېر سیاست تر پوښتنې لاندې راولي

اشتراک گذاری:

(بریانیوزدو شنبه (۶/ میزان /۱۴۰۵هـ.ش

د افغانستان لپاره د امریکا پخواني ځانګړي استازي زلمي خلیلزاد د ملګرو ملتونو په عمومي غونډه کې د پاکستان د صدراعظم شهباز شریف پر څرګندونو غبرګون ښودلی او ویلي یې دي چې د هغه خبرې د افغانستان په اړه د پاکستان د تېرو سیاستونو په اړه پوښتنې راپورته کوي

خلیلزاد ویلي، شهباز شریف په خپلو خبرو کې په افغانستان کې د ښځو او بشري حقونو پر خوندیتوب ټینګار کړی، خو د نوموړي په وینا، دا څرګندونې د افغانستان په اړه د پاکستان د تېرو شاوخوا دېرشو کلونو سیاستونو د ارزونې اړتیا هم رامنځته کوي.

هغه په خپل غبرګون کې شهباز شریف ته په خطاب کې ویلي چې «تاسو ډېر د افغانستان د خلکو غم وړی یاست»، او زیاته کړې یې ده چې د پاکستان صدراعظم په خپلو څرګندونو سره د افغانستان پر وړاندې د خپل هېواد د تېر سیاست په اړه مهمې پوښتنې راپورته کړې دي

شهباز شریف په ملګرو ملتونو کې د خپلې وینا پر مهال ویلي چې په افغانستان کې باید د ښځو حقونه او بشري حقونه خوندي شي. نوموړي دغه څرګندونې د افغانستان د وضعیت په اړه د پاکستان د دریځ په بیانولو کې مطرح کړې دي