ورزش

نامتو فوټبالر : سادیو مانې خپل پلرني کلي کې د ۲۰ میلیونه ډالرو په ارزښت د امونو ستر بڼ جوړوي

اشتراک گذاری:

(بریانیوزدو شنبه (۶/ میزان /۱۴۰۵هـ.ش

د سینیګال نامتو فوټبالر سادیو مانې پرېکړه کړې چې په خپل پلرني کلي کې د ۵۰۰ هکټاره ځمکې پر سر د امونو ستر بڼ جوړ کړي، چې د بشپړېدو وروسته به زرګونو خلکو ته د کار زمینه برابره کړي

د معلوماتو له مخې، په دغه بڼ کې به شاوخوا ۷۸ زره د امونو نیالګي کېنول شي او تمه ده چې د درېیو کلونو په موده کې حاصل ته ورسېږي. د دې پروژې ټول لګښت شاوخوا ۲۰ میلیونه ډالر اټکل شوی دی

د پروژې ترڅنګ به د امونو د ساتنې او پروسس لپاره ځانګړي مرکزونه او فابریکې هم جوړې شي. په دغو فابریکو کې به له امونو څخه جوس، مربا او نور خوراکي محصولات تولیدېږي

د دې پروژې موخه یوازې د کرنې پراختیا نه ده، بلکې د ځايي خلکو لپاره د کاري فرصتونو رامنځته کول، د کرنیزو محصولاتو پروسس او د سیمې اقتصادي فعالیتونو پیاوړي کول هم بلل شوي دي.، چې د سینیګال له مشهورو فوټبالرانو څخه دی، له دې وړاندې هم په خپل هېواد کې د ښوونیزو، روغتیايي او ټولنیزو پروژو په جوړولو کې ونډه اخیستې ده