اخبار جهان

د غزې سولې پلاوي : د بیا رغونې لپاره د ټرمپ د سولې پلاوي د ۲.۵ میلیارد ډالرو طرحه اعلان کړه

اشتراک گذاری:

(بریانیوزدو شنبه (۶/ میزان /۱۴۰۵هـ.ش

د غزې لپاره د امریکا د ولسمشر ډونالډ ټرمپ د سولې پلاوي د دغه تړانګې د بیا رغونې لپاره د ۲.۵ میلیارد ډالرو په ارزښت د بیړنۍ طرحې د عملي کېدو خبر ورکړی دی، مرستندویه هېوادونو تر دې وړاندې د غزې د بیا رغونې لپاره د ۱۸ میلیارد ډالرو د مرستې ژمنې کړې وې، خو تر اوسه یوازې شاوخوا ۲۸۰ میلیونه ډالر مرسته ترلاسه شوې ده

په طرحه کې د غزې د ویجاړو شویو بنسټونو، استوګنیزو سیمو او نورو اړینو تاسیساتو د بیارغونې لپاره د بیړنیو اقداماتو یادونه شوې ده

د اټکلونو له مخې، د غزې د بشپړې بیا رغونې لپاره په راتلونکو لسو کلونو کې شاوخوا ۷۱ میلیارد ډالرو ته اړتیا ده، چې د اوسنیو ژمنو او ترلاسه شویو مرستو ترمنځ د پام وړ واټن ښيي

د غزې د بیا رغونې بهیر د جګړې له امله د پراخو ویجاړیو، د مرستو د رسېدو د ستونزو او د مالي سرچینو د برابرولو له ننګونو سره مخ دی