سیاست

هند: د افغانستان بشري اړتیاوو ته باید لومړیتوب ورکړل شي

اشتراک گذاری:

(بریانیوزسه شنبه (۷/ میزان /۱۴۰۵هـ.ش

د هند د بهرنیو چارو وزارت مرستیال ویکرام میسري د افغانستان لپاره د ملګرو ملتونو د سرمنشي له ځانګړې استازې او د یوناما له مشرې رباب فاطمې سره په کتنه کې د افغانستان د بشري وضعیت په اړه خبرې کړې دي

د هند د بهرنیو چارو وزارت ویاند رندهیر جسوال ویلي، په دې لیدنه کې میسري ټینګار کړی چې د افغانستان د خلکو بشري اړتیاوو ته باید لومړیتوب ورکړل شي او له اړمنو افغانانو سره د مرستو رسولو بهیر باید دوام ومومي

نوموړي په افغانستان کې د یوناما د فعالیتونو او رول ستاینه کړې او ویلي یې دي چې هند به له دغه ماموریت سره خپلو همکاریو ته دوام ورکړي

د هند د بهرنیو چارو وزارت په وینا، په دې کتنه کې د افغانستان د وضعیت او د دغه هېواد د خلکو د بشري اړتیاوو په اړه د نړیوالو هڅو د دوام پر اهمیت هم ټینګار شوی دی