سیاست

خيبر پښتونخوا: د اکتوبر څلورمه اسلام‌اباد ته لاریون حتمي دی

اشتراک گذاری:

(بریانیوزچهارشنبه (۸/ میزان /۱۴۰۵هـ.ش

د خیبر پښتونخوا اعلی وزیر ویلي، د پاکستان تحریک انصاف د اکتوبر په څلورمه له پېښوره اسلام‌اباد ته ټاکل شوی لوی لاریون به حتماً ترسره کېږي او د نوموړي په وینا، د دې مخنیوی به د ولس د غبرګون لامل شي. هغوي ټینګار کړی چې د لاریون نېټه بدله شوې، خو د ترسره کېدو پرېکړه پر خپل ځای ده. نوموړي ویلي، که د لاریون د مخنیوي لپاره هر ډول خنډونه، لارې بندول یا نور اقدامات وشي، دوی به له خپلې پرېکړې شاته نه شي. د راپورونو له مخې، د دغه لاریون موخه د تحریک انصاف د بنسټګر عمران خان د خوشې کېدو او د هغه د درملنې او لیدنو د حقونو غوښتنه هم ده

نوموړي ویلي، که د لاریون د مخنیوي لپاره څوک هڅه وکړي، د هغه په باور د رامنځته کېدونکي ولسي غبرګون مسوولیت به د هماغو کسانو پر غاړه وي، د پاکستان مرکزي حکومت باید د ستونزو د حل لپاره له خبرو اترو کار واخلي. هغه د حکومت او خپل ګوند ترمنځ د خبرو امکان هم مطرح کړی، خو ټینګار یې کړی چې د اکتوبر څلورمې لاریون به د ټاکل شوي پلان له مخې ترسره کېږي

د پاکستان پر اقتصادي وضعیت نیوکه

د خیبر پښتونخوا اعلی وزیر د پاکستان پر اقتصادي وضعیت هم نیوکه کړې او ویلي یې دي چې د هېواد ټول پورونه له ۹۹ زره میلیاردو پاکستانۍ روپیو اوښتي دي

د هغه د مالي چارو سلاکار هم په وروستیو څرګندونو کې ویلي چې د پاکستان ټول پورونه له ۹۹ زره میلیاردو روپیو څخه زیات شوي دي. هغه ادعا کړې چې د لومړنیو توکو بیې هم په تېرو کلونو کې د پام وړ لوړې شوې، په داسې اقتصادي شرایطو کې عام خلک له سختو ستونزو سره مخ دي او د کارګرانو، بزګرانو او ځوانانو اقتصادي وضعیت د اندېښنې وړ دی

د اکتوبر څلورمې لاریون په اړه د پاکستان د حکومت او تحریک انصاف ترمنځ اختلافات لا هم دوام لري. د راپورونو له مخې، په اسلام‌اباد او ځینو مهمو لارو کې د احتمالي لاریون د مخنیوي لپاره امنیتي تدابیر او د کانتینرونو ځای پر ځای کول هم شوي دي