اخبار فوری
نیویارک : د ملګرو ملتونو د عمومي اسامبلې ۸۱مه غونډه پای ته ورسېده؛ افغانستان بیا هم له وینا پاتې شو
فــــهــــيـــم شـاهـیـن
08 میزان 1405
32
نیویارک : د ملګرو ملتونو د عمومي اسامبلې ۸۱مه غونډه پای ته ورسېده؛ افغانستان بیا هم له وینا پاتې شو
(بریانیوزچهارشنبه (۸/ میزان /۱۴۰۵هـ.ش
د ملګرو ملتونو د عمومي اسامبلې ۸۱مه غونډه او د هغې په څنډه کې ترسره شوې ناستې او لیدنې د سپټمبر پر ۲۸مه پای ته ورسېدې او د بېلابېلو هېوادونو ولسمشران، وزیران او نور لوړپوړي چارواکي خپلو هېوادونو ته ستانه شول
افغانستان سږ کال هم د عمومي اسامبلې په غونډه کې د ګډون او وینا له حقه بېبرخې پاتې شو. دا شپږم پرلهپسې کال دی چې د افغانستان استازی د عمومي بحثونو په غونډه کې وینا نه کوي
د عمومي اسامبلې د دې دورې په څنډه کې د نړۍ د بېلابېلو هېوادونو د مشرانو او چارواکو ترمنځ پر سیمهییزو او نړیوالو مسایلو، جګړو، بشري وضعیت، سولې او نړیوالې همکارۍ ګڼې دوهاړخیزې او څو اړخیزې ناستې ترسره شوې
د افغانستان موضوع هم د دغو ناستو او خبرو یوه برخه وه او د هېواد د بشري وضعیت، ښځو او نجونو د حقونو، کډوالۍ او له افغان ولس سره د نړیوالو مرستو په اړه بېلابېل بحثونه وشول
د افغانستان د استازولۍ څوکۍ په ملګرو ملتونو کې لا هم د سیاسي اختلافاتو له امله له ځانګړي وضعیت سره مخ ده او د افغانستان اوسني واکمنان تر اوسه د ملګرو ملتونو له خوا د دغه هېواد د رسمي استازي په توګه نه دي منل شوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl