ذبیح‌الله مجاهد: افغانستان له ټولو هېوادونو سره د ښو اړیکو غوښتونکی دی

اشتراک گذاری:

(بریانیوزچهارشنبه (۸/ میزان /۱۴۰۵هـ.ش

د اسلامي امارت ویاند ذبیح‌الله مجاهد وايي، افغانستان له ټولو هېوادونو سره د ښو او رغنده اړیکو غوښتونکی دی او د دې موخې لپاره یې په وروستیو کلونو کې ګڼې هڅې کړې دي

مجاهد له ملي ټلوېزیون سره په خبرو کې ویلي، افغانستان له خپلو ډېرو ګاونډیو هېوادونو سره ښې دیپلوماتیکې اړیکې لري، خو له پاکستان سره په دې وروستیو کې ځینې ستونزې رامنځته شوې دي

نوموړي زیاته کړې چې له اسلامي هېوادونو، د سیمې له هېوادونو، چین او روسیې سره د افغانستان اړیکې هم د ده په وینا ښې دي

مجاهد ټینګار کړی چې اسلامي امارت له نورو هېوادونو سره د مثبت تعامل غوښتونکی دی او هڅه کوي شته ستونزې په تدریجي ډول هوارې کړي او د هېوادونو باور ترلاسه کړي

هغه ویلي، د افغانستان د بهرني سیاست یوه مهمه موخه له بېلابېلو هېوادونو سره د اړیکو پراخول او د ګډو ګټو پر بنسټ د همکارۍ زمینه برابرول دي