اخبار فوری
فــــهــــيـــم شـاهـیـن
01 عقرب 1404
127
د بریتانیا لومړی وزیر کییر ستارمر په تازه څرګندونو کې اعلان کړی چې هېواد به یې له دې وروسته د روسیې نفت نه واردوي. هغه ټینګار وکړ چې مسکو باید د خپل بېدلیله او ظالمانه یرغل» پر اوکراین درنه بیه پرې کړي
ستارمر وویل:
روسیه باید پوه شي چې د جګړې او تېري سیاستونه نور د نړۍ له خوا زغمل کېږي نه موږ به د ازادۍ او عدالت تر شا ودرېږو، نه د زورواکۍ تر سیوري لاندې
نوموړي دا پرېکړه د بریتانیا د نوې نړیوالې تګلارې یوه مهمه برخه وبلله، چې هدف یې د اوکراین د خلکو ملاتړ او د روسیې د جګړهییز اقتصاد کمزوری کول دي
د نړیوالو چارو شنونکي باور لري، د بریتانیا دا ګام به د روسیې د عاید اصلي سرچینې، یعنې د نفتو صادراتو، ته درانه تاوانونه ورسوي. دا پرېکړه د پوتین لپاره یو بل سیاسي او اقتصادي فشار ګڼل کېږي
له بلې خوا، د اروپايي ټولنې یو شمېر هېوادونو د بریتانیا د دې زړور اقدام هرکلی کړی او دا یې د «عدالت، ازادۍ او نړیوال همبستګۍ» څرګندونه بللې ده
د یادونې وړ ده چې له دې مخکې امریکا، کاناډا او استرالیا هم د روسیې د نفتو پر وړاندې ورته بندیزونه لګولي وو، چې اوس د نړیوالو اقتصادي فشارونو کړۍ لا تنګه شوې ده
شنونکي وایي: دا پرېکړه نه یوازې د روسیې اقتصاد ته سخت زیان رسوي، بلکې د مسکو سیاسي انزوا هم نوره پیاوړې کوي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF