اخبار فوری
فــــهــــيـــم شـاهـیـن
26 عقرب 1404
92
کابل د یوې مهمې اقتصادي پېښې کوربه دی، ځکه د ایران سفارت په رسمي ډول اعلان کړی چې دغه هېواد به په څلورمه نړيواله صنعتي او سوداګریزه نمایشګاه کې د پام وړ او پراخ ګډون ولري
د سفارت د خبرپاڼې له مخې چې د یکشنبې په ورځ، د عقرب ۲۵مه خپره شوه، د ایران د صنعت، سوداګرۍ، کانونو او کرنې د خونې یو لوی او لوړپوړی پلاوی کابل ته رسېدلی دی. په دې پلاوي کې د ایران د افغانستان سره پر سرحد پرتو ولایتونو د سوداګرۍ د خونې رئیسان، صنعتکاران، او نور مخکښ سوداګریز مشران شامل دي
ایران اعلان کړی چې په دې نندارتون کې به د ۴۰ ځانګړو غرفو او ۱۰۰ تجربه لرونکو سوداګرو په شتون سره تر ټولو لوی سالون په واک کې ولري. تمه ده چې ایرانی شرکتونه به خپل تولیدي محصولات، صنعتي وړتیاوې، نوې ټکنالوژۍ او کرنیز توکي نندارې ته وړاندې کړي
چارواکي وايي، دا نندارتون د افغانستان او ایران ترمنځ د سوداګرۍ د پیاوړتیا، د نوې پانګونې د جذب او د اقتصادي همکاریو د پراختیا لپاره یو مهم فرصت بلل کېږي. د افغان سوداګرو په باور، د دې نندارتون پایلې به د سوداګرۍ، صنعت، پانګونې او صادراتو په برخه کې د نوو اړیکو او ګډو پروژو لاره هواره کړي
د اقتصادي کارپوهانو په اند، د سیمې هېوادونو د ګډون دوام به افغانستان د سیمهيیزې سوداګرۍ په یوه مهم مرکز بدل کړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF