اخبار جهان

ټرمپ: د افغانستان په خاوره کې د امریکا د وسلو پرېښودل «یو بې‌ساری احمقانه خطا» وه

اشتراک گذاری:

د امریکا ولسمشر ډونالډ ټرمپ یو ځل بیا د افغانستان څخه د امریکایي ځواکونو د وتلو په تړاو د پخواني حکومت پرېکړه سخته غندلې او هغه یې د امریکا د یوې ستراتیژیکې «تر ټولو لویې تېروتنې» په توګه یاد کړې ده

ټرمپ دا څرګندونې د چهارشنبې په ورځ د سپینې ماڼۍ په غونډه کې، د سعودي عربستان له ولیعهد محمد بن‌سلمان سره د لیدنې پر مهال وکړې. هغه وویل چې د امریکا پوځ د وتلو پر مهال په افغانستان کې د میلیاردونو ډالرو په ارزښت پوځي تجهیزات پرېښودل، «په بشپړ ډول یو احمقانه او غیرمسؤولانه اقدام و.

ټرمپ ټینګار وکړ چې د هغه اداره به هڅه وکړي د امریکا پوځ بېرته ځواکمن او مجهز کړي. نوموړي زیاته کړه:

د داسې یو ستر قدرت لپاره هېڅ مانا نه لري چې خپل پرمختللي وسایل دښمن ته پرېږدي. دا د امریکا د تاریخ تر ټولو نه بښوونکې تېروتنه وه> «د داسې یو ستر قدرت لپاره هېڅ مانا نه لري چې خپل پرمختللي وسایل دښمن ته پرېږدي. دا د امریکا د تاریخ تر ټولو نه بښوونکې تېروتنه و

د ټرمپ د څرګندونو په دوام، هغه د افغانستان د جګړې د پای ته رسېدو څرنګوالی یو «ناکام مدیریت» وباله او ادعا یې وکړه چې د امریکایي ځواکونو له وتلو وړاندې باید یو منظم پلان جوړ شوی وای، څو د تجهیزاتو له لاسه ورکولو او امنیتي خلا مخه ونیول شوې وای

سیاسي شنونکي وايي، د ټرمپ دا څرګندونې د هغه د بهرني سیاست د بیا تعریف برخه ده، کوم چې غواړي د امریکا پوځي حضور، وړتیا او نړیوال دریځ بېرته خپل پخواني ځواک ته ورسوي