اخبار فوری
فــــهــــيـــم شـاهـیـن
28 قوس 1404
16
په کابل کې د جاپان سفارت اعلان کړی چې د دغه هېواد حکومت به افغانستان ته ۱۹.۵ میلیون امریکایي ډالر بشري مرسته برابر کړي، تر څو د دې هېواد د زیانمنو او اړمنو وګړو د ژوند د ښهوالي لپاره وکارول شي
د جاپان سفارت د جمعې په ورځ (۲۸ قوس) په ایکس شبکې کې په خپور کړي پیغام کې هیله څرګنده کړې چې دا مرسته وکولای شي د هغو افغانانو په ورځني ژوند کې مثبت بدلون راولي چې له سختو اقتصادي او بشري ستونزو سره مخ دي
د سفارت په وینا، دا مالي مرسته به د افغانستان د بشردوستانه اړتیاوو او د خلکو د لومړنیو انساني اړتیاوو د پوره کولو لپاره ځانګړې شي. ویل شوي چې دا پیسې به د ملګرو ملتونو د اړوندو ادارو، نړیوالو بنسټونو او جاپاني غیردولتي سازمانونو له لارې ولګول شي، تر څو مرستې پر شفاف او اغېزمن ډول مستحقو کسانو ته ورسېږي
جاپان له هغو هېوادونو څخه دی چې په وروستیو کلونو کې یې، سره له سیاسي ننګونو، له افغانستان سره خپلې بشري مرستې ته دوام ورکړی دی. د دغه هېواد چارواکي تل ټینګار کوي چې د دوی مرستې د سیاسي موخو پر ځای، د انساني اصولو او د خلکو د اړتیاوو پر بنسټ ولاړې دي
شنونکي باور لري چې دا مرسته به د خوړو، روغتیا، سرپناه او نورو بیړنیو اړتیاوو په برخه کې د افغانانو له ستونزو د کمولو کې مرسته وکړي، په ځانګړي ډول په داسې حال کې چې میلیونونه خلک لا هم له بېوزلۍ، بېکارۍ او بشري بحران سره مخ دي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي