مقاله

ولادیمیر پوتین د ایران نوي مشر مجتبی خامنه‌ای ته مبارکي ورکړه؛ مسکو د اړیکو د پیاوړتیا هیله څرګنده کړه

اشتراک گذاری:

بریانیوز:(سه شنبه،۱۹حوت۱۴۰۴)

د ولادیمیر پوتین، د روسیه ولسمشر، د یو رسمي پیغام له لارې د مجتبی خامنه‌ای د ایران د نوي مشر په توګه د ټاکل کېدو مبارکي ورکړې ده. دغه پیغام د کرملین په رسمي وېبپاڼه کې خپور شوی دی

پوتین په خپل پیغام کې ویلي چې هیله لري د روسیې او ایران ترمنځ اړیکې لا ټینګې او پراخې شي. هغه زیاته کړې چې دواړه هېوادونه کولی شي په سیاسي، اقتصادي او امنیتي برخو کې خپلې همکارۍ نورې هم پیاوړې کړي

د روسیې ولسمشر ټینګار کړی چې مسکو له تهران سره د متقابل درناوي، ګډو ګټو او سیمه‌ییز ثبات پر بنسټ اړیکو ته ارزښت ورکوي او غواړي دا اړیکې لا هم ژورې شي

شنونکي وايي چې د پوتین دا مبارکي پیغام ښيي چې روسیه غواړي له ایران سره خپلې ستراتیژیکې اړیکې وساتي او په نړیوالو او سیمه‌ییزو مسایلو کې له یو بل سره همغږي ولري

د یادونې وړ ده چې د مجتبی خامنه‌ای د مشرۍ خبر د سیمې او نړۍ په سیاسي کړیو کې پراخ بحثونه راپارولي او ګڼ هېوادونه د ایران د راتلونکې سیاسي تګلارې ته په تمه دي