د جنوبي کوریا ولسمشر هان سیونګسوک د نوې صدراعظمې په توګه پارلمان ته معرفي کړه

د جنوبي کوریا ولسمشر هان سیونګسوک د نوې صدراعظمې په توګه پارلمان ته معرفي کړه

بریانیوز- دوشنبه، ١۸ جوزا ١٤٠٥

د جنوبي کوریا ولسمشر  د ټکنالوژۍ د برخې مشهوره پانګه واله او سوداګره هان سیونګسوک د هېواد د نوې صدراعظمې په توګه پارلمان ته معرفي کړې ده

هان سیونګسوک د ټکنالوژۍ په سکټور کې له پېژندل شویو څېرو څخه ګڼل کېږي او تر دې وړاندې یې د یوې سترې ټکنالوژۍ کمپنۍ د مشرې او اجرائیه رئیسې په توګه دنده ترسره کړې ده

ولسمشر لی جي میونګ د نوموړې د معرفۍ پر مهال ویلي چې هان سیونګسوک د نوښت، مدیریت او اقتصادي پراختیا په برخو کې پراخه تجربه لري او هیله یې څرګنده کړې چې د حکومت له غړېدو وروسته به د جنوبي کوریا د اقتصاد، ټکنالوژۍ او مصنوعي ځیرکتیا د ودې لپاره مهم رول ولوبوي.

د هغه په وینا، د هېواد راتلونکی اقتصادي سیالۍ او پرمختګ له پرمختللې ټکنالوژۍ، نوښتونو او د مصنوعي ځیرکتیا له پراخې کارونې سره تړاو لري، او هان سیونګسوک کولی شي په دې برخه کې ارزښتناک بدلونونه رامنځته کړي

د جنوبي کوریا د قانون له مخې، نوموړې به اوس د پارلمان د ارزونې او سلا مشورو له پړاو څخه تېرېږي او وروسته به د باور رایې لپاره استازو ته وړاندې شي

شنونکي باور لري چې د خصوصي سکټور له مخکښو څېرو څخه د یوه لوړپوړي حکومتي مسئول ټاکل ښايي د جنوبي کوریا د اقتصادي او ټکنالوژیکو تګلارو پر راتلونکي اغېز ولري او د نوښت پر بنسټ د پراختیا بهیر ته نوی خوځښت ورکړي

دا نوماندي په داسې وخت کې کېږي چې جنوبي کوریا هڅه کوي د مصنوعي ځیرکتیا، ډیجیټلي اقتصاد او پرمختللو ټکنالوژیو په نړیواله سیالۍ کې خپل مخکښ ځای لا پیاوړی کړي