مقاله

میرویس عزیزي: د لسګونو افغان ځوانانو د لوړو زده‌کړو لګښت مې پر غاړه واخیست

اشتراک گذاری:

بریانیوز- دوشنبه، ١۸ جوزا ١٤٠٥

افغان سوداګر د یو شمېر افغان ځوانانو انځورونه خپاره کړي او ویلي یې دي چې دغه محصلین د ده په مالي ملاتړ د منځنۍ اسیا له امریکایي پوهنتون څخه فارغ شوي دي عزیزي ویلي چې تېر کال په قرغیزستان کې د یادو محصلینو د زده‌کړو بورسیې بندې شوې وې او د خپلو زده‌کړو د دوام له ستونزې سره مخ شوي وو د نوموړي په وینا، د دې لپاره چې د محصلینو زده‌کړې نیمګړې پاتې نه شي، شخصاً یې مداخله وکړه او د هغوی د تحصیلي لګښتونو د پوره کولو مسئولیت یې پر غاړه واخیست هغه زیاته کړې چې د دغو محصلینو د فیسونو او اړوندو لګښتونو لپاره یې شاوخوا نیم میلیون امریکایي ډالر ورکړي، څو وکولای شي خپلې لوړې زده‌کړې بشپړې او د فراغت سندونه ترلاسه کړي عزیزي ویلي، په تعلیم او مسلکي روزنه پانګونه د هېواد د راتلونکي لپاره تر ټولو ارزښتمنه پانګونه ده او د ځوانانو ملاتړ د ټولنې د پرمختګ بنسټ جوړوي شنونکي باور لري چې د خصوصي سکټور او ملي سوداګرو له لوري د زده‌کړو ملاتړ کولی شي د افغان ځوانانو لپاره نوي فرصتونه رامنځته کړي او د هېواد د مسلکي کدرونو په روزنه کې مهم رول ولوبوي دا خبر په داسې وخت کې خپرېږي چې ګڼ افغان محصلین په بهرنیو هېوادونو کې د زده‌کړو د لګښتونو او مالي ستونزو له امله له بېلابېلو ننګونو سره مخ دي