مقاله

ټرمپ: له نتنیاهو سره به خبرې وکړم چې د ایران د بریدونو په غبرګون کې له زغم کار واخلي

اشتراک گذاری:

بریانیوز- دوشنبه، ١۸ جوزا ١٤٠٥

د امریکا ولسمشر ویلي چې له د اسراییل د لومړي وزیر سره به خبرې وکړي او له هغه به وغواړي چې د ایران د وروستیو بریدونو په غبرګون کې له پوځي زغم څخه کار واخلي ټرمپ په خپلو څرګندونو کې ویلي چې د ایران وروستي اقدامات د روانو سیاسي او ډیپلوماټیکو هڅو لپاره زیانمن دي او کولی شي د خبرو اترو بهیر له ستونزو سره مخ کړي د امریکا ولسمشر له تهران څخه هم غوښتي چې بېرته د مذاکراتو مېز ته راوګرځي او د شخړو د حل لپاره سیاسي لارې غوره کړي. د هغه په وینا، د تاوتریخوالي دوام به د سیمې د امنیت او ثبات لپاره نورې ستونزې رامنځته کړي دا څرګندونې وروسته له هغې مطرح کېږي چې ایران د راپورونو له مخې، د اسراییل پر لور توغندي توغولي دي. ویل کېږي دغه اقدام د اسراییلو له هغو بریدونو وروسته شوی چې د اوربند له موجودو هڅو سره سره یې په سیمه کې پوځي عملیات ترسره کړي دي تر اوسه د ایران او اسراییلو چارواکو د وروستیو بریدونو د پایلو او احتمالي زیانونو په اړه بشپړ جزییات نه دي خپاره کړي، خو د سیمې د امنیتي وضعیت په اړه اندېښنې زیاتې شوې دي شنونکي باور لري چې د واشنګټن، تهران او تل‌ابیب ترمنځ هر ډول نوې ترینګلتیا کولی شي د منځني ختیځ پر امنیت، د انرژۍ پر بازارونو او د سیمه‌ییز ثبات پر راتلونکي ژور اغېز ولري