ورزش

فوټبال : د بالوګون د بندیز ځنډېدو د فیفا پرېکړې پراخ غبرګونونه راپارولي

اشتراک گذاری:

بریانیوز - دوشنبه، ١۵ سرطان ١٤٠٥

د راپورونو له مخې، د فوټبال نړیوالې ټولنې د امریکا د ملي لوبډلې بریدګر فولارین بالوګون ته اجازه ورکړې چې د نړیوال جام د شپاړس غوره پړاو په سیالۍ کې د بلجیم پر وړاندې ولوبېږي، سره له دې چې نوموړي په تېره سیالۍ کې سور کارت ترلاسه کړی و

ویل کېږي، د امریکا ولسمشر ډونالډ ټرمپ د فیفا له مشر جیاني انفانتینو غوښتي وو چې د بالوګون د سور کارت پرېکړه له سره وڅېړل شي. وروسته فیفا د هغه د یوې لوبې بندیز وځنډاوه، خو سور کارت یې د نوموړي په ریکارډ کې پر خپل ځای پرېښود

د دغې پرېکړې له خپرېدو وروسته د فوټبال په نړۍ کې پراخ غبرګونونه راپارېدلي دي. د لوبې ډېری مینه وال او شنونکي وایي، دا ډول پرېکړې ښايي د سیالیو د روڼتیا او برابرۍ په اړه پوښتنې راولاړې کړي

بلجیم هم د راپورونو له مخې د فیفا پر دې ګام نیوکه کړې او د سیالیو د عادلانه بهیر په اړه یې خپله اندېښنه څرګنده کړې ده. تر اوسه فیفا د دغو غبرګونونو په اړه نور جزییات نه دي خپاره کړي