مقاله

ناټو: ترکیه کې د ناټو ضد لاریون پر مهال له ۱۰۰ ډېر کسان ونیول شول

اشتراک گذاری:

بریانیوز - سه شنبه، ١۶ سرطان ١٤٠٥

د ترکیې چارواکو د ناټو سازمان د سرمشریزې له جوړېدو وړاندې، د ناټو ضد لاریون پر مهال له ۱۰۰ څخه ډېر کسان نیولي دي. دغه لاریون د له لوري د یکشنبې په ورځ تنظیم شوی و

د یاد ګوند په خپره شوې اعلامیه کې راغلي چې لاریونوال د ناټو د پالیسیو او د دې پوځي ائتلاف د فعالیتونو پر ضد د اعتراض په موخه راټول شوي وو، خو امنیتي ځواکونو د لاریون پر مهال پراخ امنیتي اقدامات ترسره کړل او له سلو څخه ډېر ګډونوال یې ونیول

راپورونه ښيي چې دغه نیونې په داسې حال کې شوې چې ټاکل شوې د راتلونکې اوونۍ په ترڅ کې په کې د ناټو مهمه سرمشریزه ترسره شي. د ترکیې حکومت د دې غونډې د امنیت د خوندي کولو لپاره امنیتي تدابیر زیات کړي دي

تر اوسه ترکي چارواکو د نیول شویو کسانو د تورونو، د هغوی د وضعیت او یا د خوشې کېدو په اړه نور جزئیات نه دي خپاره کړي، خو د ترکیې کمونېست ګوند دغه نیونې غندلې او د خپلو پلویانو د سمدستي خوشې کېدو غوښتنه یې کړې ده

دغه پېښه په داسې وخت کې رامنځته کېږي چې په ترکیه کې د ناټو د رول او د هېواد د بهرني سیاست په اړه سیاسي بحثونه او اختلافات لا هم دوام لري