تعلیم

پشه‌یي ژبه : د علومو اکاډمۍ د پشه‌یي ژبې نوې الفبا تصویب کړه

اشتراک گذاری:

بریانیوز- پنجشنبه، ۱- اسـد ١٤٠٥

کابل – د افغانستان د علومو اکاډمۍ اعلان کړی چې د پشه‌یي ژبې الفبا یې د ژبپوهانو، لیکوالانو، څېړونکو او د دغې ژبې د ویونکو د غوښتنو او علمي اړتیاوو پر بنسټ له سره ارزولې او له اصلاحاتو وروسته یې په رسمي ډول تصویب کړې ده

د اکاډمۍ په وینا، د پشه‌یي ژبې د الفبا د بیاکتنې بهیر د متخصصانو د ځانګړي علمي کمېسیون له لوري ترسره شوی او د ژبې د معیاري کېدو، د لیکدود د یووالي او د علمي اړتیاوو د پوره کولو لپاره پکې اړین بدلونونه راوستل شوي دي

علومو اکاډمۍ له ټولو لیکوالانو، څېړونکو، ښوونکو، رسنیو، زده‌کوونکو او د پشه‌یي ژبې له نورو کاروونکو غوښتي چې له دې نوې تصویب شوې الفبا څخه په خپلو علمي، فرهنګي، ښوونیزو او خپرنیزو فعالیتونو کې کار واخلي

اکاډمۍ ټینګار کړی چې د معیاري لیکدود رامنځته کېدل به د پشه‌یي ژبې د ساتنې، پراختیا، تدریس او علمي څېړنو لپاره مهم ګام وي او د دې لرغونې ژبې د ودې او پیاوړتیا په برخه کې به اغېزناک رول ولوبوي