تکنولوژی

واشنګټن/ریاض: د ټرمپ اداره سعودي عربستان ته د امریکايي اټومي ټکنالوژۍ د لېږد هوکړه وکړه

اشتراک گذاری:

بریانیوز- پنجشنبه، ۱- اسـد ١٤٠٥

واشنګټن – د امریکا د ولسمشر ډونالډ ټرمپ ادارې له سعودي عربستان سره یو نوی اټومي تړون لاسلیک کړی چې له مخې یې ریاض ته د امریکايي ملکي اټومي ټکنالوژۍ د ترلاسه کولو لاره هواره شوې ده

د راپورونو له مخې، په دې هوکړه کې پر سعودي عربستان د اټومي همکاریو ځینې محدودیتونه هم نرم شوي، څو دغه هېواد وکولای شي خپل د ملکي اټومي انرژۍ پروګرام پراخ کړي

سرچینې وایي، واشنګټن دا تړون د دواړو هېوادونو ترمنځ د ستراتیژیکو اړیکو د پیاوړتیا او د انرژۍ په برخه کې د اوږدمهاله همکاریو مهم ګام بولي

دغه هوکړه په داسې مهال شوې چې د منځني ختیځ د اټومي فعالیتونو په اړه نړیوالې اندېښنې لا هم پر خپل ځای دي، او یو شمېر شنونکي باور لري چې دا تړون به د سیمې پر امنیتي او سیاسي معادلو هم اغېز ولري

تر اوسه د امریکا او سعودي چارواکو د تړون ټول جزیات نه دي خپاره کړي، خو تمه ده چې په راتلونکو ورځو کې به د دې هوکړې نور معلومات هم له رسنیو سره شریک شي