اخبار فوری
فــــهــــيـــم شـاهـیـن
08 اسد 1405
42
ټرمپ او زلنسکي په واشنګټن کې:د اوکراین د دفاع پیاوړتیا او د سولې لارې چارې وڅېړل شوې
بریانیوز/ پنجشنبه ( ۸ / اسد /۱۴۰۵هـ.ش)
د اوکراین ولسمشر، ولودیمیر زلنسکي، د امریکا په سفر کې له ولسمشر ډونالډ ټرمپ سره لیدلي او د اوکراین د دفاعي وړتیا د پیاوړتیا، پوځي ملاتړ او له روسیې سره د روانې جګړې د پای ته رسولو لپاره د ډیپلوماټیکو هڅو په اړه یې خبرې کړې دي
د راپورونو له مخې، د دواړو مشرانو په لیدنه کې د اوکراین امنیتي اړتیاوې، د دفاعي امکاناتو پراختیا او له متحدینو سره د همکارۍ پر دوام بحث شوی دی
زلنسکي له ټرمپ سره په خبرو کې ټینګار کړی چې اوکراین د خپلې خاورې د ساتنې لپاره دوامدار نړیوال ملاتړ ته اړتیا لري او د سولې هر ډول بهیر باید د اوکراین ملي حاکمیت او خپلواکۍ ته درناوی وکړي
په ورته وخت کې، ټرمپ ویلي چې د روسیې او اوکراین د جګړې د پای ته رسولو لپاره به د سولې د رامنځته کېدو هڅو ته دوام ورکړي او د جګړې د حل لپاره به د خبرو اترو ملاتړ وکړي
د سیاسي چارو څارونکي وایي، د ټرمپ او زلنسکي دا لیدنه د دواړو هېوادونو د راتلونکو اړیکو او د اوکراین جګړې د احتمالي سیاسي حل لپاره مهمه بلل کېږي، ځکه واشنګټن د دې شخړې په پای ته رسولو کې مهم رول لري
دا خبرې اترې په داسې مهال ترسره کېږي چې د روسیې او اوکراین جګړه لا هم روانه ده او نړیواله ټولنه د تاوتریخوالي د کمېدو او د سولې د لارې د موندلو هڅې کوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl