اقتصاد

نړیوال بازارونه : د تېلو بیې لوړې شوې؛ برنټ تېل د ۹۰ ډالرو کچې ته نږدې شول

اشتراک گذاری:

بریانیوز/ چهار شنبه ( ۲۱ / اسد /۱۴۰۵هـ.ش)

د نړۍ په بازارونو کې د تېلو بیې د لوړېدو لړۍ روانه ده او د برنټ تېلو بیه د هر بېرل لپاره د ۹۰ ډالرو کچې ته نږدې شوې ده

د راپورونو له مخې، د برنټ خام تېلو بیه ۷۲ سنټه لوړه شوې او د هر بېرل بیه یې ۸۹.۶۳ ډالرو ته رسېدلې ده

همداراز، د امریکا د اومه تېلو بیه هم ۷۱ سنټه لوړه شوې او هر بېرل یې په ۸۳.۹۱ ډالرو پلورل کېږي

د تېلو د بیو دغه لوړوالی داسې مهال رامنځته شوی چې د امریکا او ایران ترمنځ د سولې او د شخړې د پای ته رسولو لپاره د هوکړې هیلې کمزورې شوې دي

د بازار شنونکي وايي، د امریکا او ایران ترمنځ د احتمالي شخړې یا د سیمې د امنیتي وضعیت د خرابېدو اندېښنې د تېلو پر بازار مستقیم اغېز کوي؛ ځکه ایران د نړۍ د انرژۍ په بازار کې مهم رول لري

که د سیمې وضعیت لا پسې ترینګلی شي، د تېلو د لېږد او عرضه کېدو په اړه اندېښنې کولی شي د نړیوالو بازارونو پر بیو نور هم فشار راوړي