سیاست

د عمران خان خوېندې: د هغه د روغتیا په اړه دې یوازې باوري سرچینې معلومات ورکوي

اشتراک گذاری:

بریانیوز/ چهار شنبه ( ۲۱ / اسد /۱۴۰۵هـ.ش)

د پاکستان د پخواني لومړي وزیر او تحریک انصاف ګوند د بنسټګر عمران خان خوېندو ویلي، تر هغې چې دوی او د عمران خان ډاکټران د هغه د روغتیا په اړه معلومات نه وي ورکړي، نور کسان دې د نوموړي د روغتیا په اړه له څرګندونو او خبرونو خپرولو ډډه وکړي

د عمران خان خوېندو ټینګار کړی چې د هغه د روغتیا په اړه باید یوازې له باوري او رسمي سرچینو معلومات ترلاسه شي او د ناتایید شویو راپورونو له خپرولو څخه باید ډډه وشي

دوی ویلي چې د عمران خان د روغتیا په اړه هر ډول معلومات باید د هغه د کورنۍ او طبي ډلې له لوري تایید شي

دا څرګندونې داسې مهال کېږي چې د عمران خان د روغتیا په اړه په وروستیو کې بېلابېل راپورونه او ادعاوې خپرې شوې دي، چې له امله یې د هغه د پلویانو او کورنۍ اندېښنې زیاتې شوې دي

د عمران خان کورنۍ له خلکو غوښتي چې د ناتایید شویو معلوماتو پر ځای د نوموړي د روغتیا په اړه د کورنۍ او ډاکټرانو رسمي څرګندونو ته انتظار وباسي