مقاله

دمشق : په سوریه کې بشار الاسد په غیاب کې د اعدام په سزا محکوم شو

اشتراک گذاری:

بریانیوز/ چهار شنبه ( ۲۱ / اسد /۱۴۰۵هـ.ش)

د سوریې یوې محکمې له واکه د لرې شوي ولسمشر بشار الاسد په غیاب کې د اعدام حکم صادر کړی دی

د راپورونو له مخې، محکمې بشار الاسد د وژنو، شکنجې، خپلسرو نیونو او د بشریت پر ضد د جرمونو په تړاو مجرم بللی او د اعدام سزا یې ورته ټاکلې ده

محکمه وايي، د بشار الاسد د واکمنۍ پر مهال د مخالفانو پر وړاندې د امنیتي ځواکونو د اقداماتو په تړاو ګڼې جدي سرغړونې ثبت شوې دي

د محکمې بهیر په داسې حال کې ترسره شوی چې بشار الاسد د سوریې له واکه تر لرې کېدو وروسته له هېواده وتلی او د راپورونو له مخې په روسیه کې اوسېږي؛ له همدې امله نوموړی د محکمې په غونډو کې حاضر نه و

د بشار الاسد ترڅنګ د هغه د حکومت د یو شمېر پخوانیو لوړپوړو امنیتي چارواکو په اړه هم قضايي پرېکړې شوې دي

بشار الاسد له ۲۰۰۰ کال راهیسې پر سوریه واکمني کوله، خو په ۲۰۲۴ کال کې د مخالفو ځواکونو د پراخو بریدونو وروسته له واکه لرې او له هېواده ووت

د هغه د واکمنۍ پر مهال د سوریې جګړه له یوې اوږدې او خونړۍ جګړې سره مل وه چې د پراخو مرګ‌ژوبلو، بې‌ځایه کېدو او د هېواد د زیربناوو د ویجاړېدو لامل شوه