اخبار جهان

اسلام‌اباد: ایران او امریکا یوې احتمالي هوکړې ته نږدې شوي

اشتراک گذاری:

بریانیوز/ چهار شنبه ( ۲۱ / اسد /۱۴۰۵هـ.ش)

د پاکستان حکومت وايي، ایران او امریکا د خپلو اختلافاتو د هواري او یوې احتمالي هوکړې ته د رسېدو لپاره پرمختګ کړی او دواړه هېوادونه د جوړجاړي یوې نقطې ته نږدې شوي دي

پاکستاني چارواکو ویلي، اسلام‌اباد هیله لري چې د تهران او واشنګټن ترمنځ د خبرو له لارې د روان کړکېچ د کمېدو زمینه برابره شي

د پاکستان په وینا، د ایران او امریکا ترمنځ هوکړه کولی شي د سیمې پر امنیت، اقتصادي اړیکو او د انرژۍ پر نړیوال بازار مثبت اغېز ولري

دا څرګندونې په داسې مهال کېږي چې د ایران او امریکا ترمنځ د اختلافاتو د هواري لپاره د ډیپلوماټیکو هڅو په اړه راپورونه خپرېږي او د دواړو لورو ترمنځ د احتمالي خبرو او هوکړې تمې زیاتې شوې دي

اسلام‌اباد ټینګار کوي چې د سیمې د هېوادونو ترمنځ د اختلافاتو حل باید د خبرو او ډیپلوماسۍ له لارې وشي، ځکه دوامداره کړکېچونه کولی شي د سیمې امنیت او اقتصاد له جدي ستونزو سره مخ کړي