سیاست

د ایران بهرنیو چارو وزیر: نړۍ ته مو ثابته کړه چې ایران نه ماتېدونکی ځواک دی

اشتراک گذاری:

بریانیوز/ چهار شنبه ( ۲۱ / اسد /۱۴۰۵هـ.ش)

د ایران د بهرنیو چارو وزیر ویلي، د وروستیو کړکېچونو او پوځي فشارونو پر مهال ایران نړۍ ته وښوده چې دغه هېواد یو «نه ماتېدونکی ځواک» دی

د ایران بهرنیو چارو وزیر زیاته کړې چې د نړۍ یو شمېر هېوادونو د ایران د مقاومت په اړه تهران ته پیغامونه استولي او د ایران کړنې یې د «معجزې» په توګه یادې کړې دي.

نوموړي ویلي، ایران وکولای شول له سختو شرایطو سره سره خپل دریځ وساتي او د هېواد د دفاع لپاره خپل پوځي او سیاسي ظرفیتونه وکاروي.

د ایران چارواکي په داسې حال کې د هېواد د ځواک او مقاومت خبره کوي چې تهران په وروستیو میاشتو کې له امریکا او اسرائیلو سره له سختو امنیتي او پوځي ترینګلتیاوو سره مخ و

ایراني چارواکو تل ټینګار کړی چې هېواد یې د هر ډول بهرني فشار پر وړاندې د مقابلې توان لري او د خپلې ځمکنۍ بشپړتیا او ملي ګټو د ساتنې لپاره به له ټولو امکاناتو کار واخلي

د ایران د بهرنیو چارو وزیر د خپلو څرګندونو پر مهال د هغو هېوادونو نومونه نه دي اخیستي چې د ده په وینا، د ایران وروستۍ کړنې یې «معجزه» بللې دي