سیاست

خوشحال کاکړ: پاکستان دې په افغانستان کې له لاسوهنې ډډه وکړي

اشتراک گذاری:

بریانیوزچهار شنبه ( ۲۶ / اسد /۱۴۰۵هـ.ش)

د پښتونخوا نېشنل عوامي ګوند مشر خوشحال خان کاکړ د پاکستان په ملي اسمبلۍ کې له حکومت څخه غوښتي چې په افغانستان کې له هر ډول لاسوهنې ډډه وکړي او د دواړو هېوادونو اړیکې د خبرو، متقابل درناوي او سوله‌ییز تفاهم له لارې وساتي

کاکړ د ملي اسمبلۍ د وینا پر مهال ټینګار کړی چې د افغانستان او پاکستان ترمنځ شته ستونزې باید د پوځي فشار او مداخلې پر ځای د سیاسي خبرو له لارې حل شي

نوموړي ویلي، دواړه هېوادونه له تاریخي، جغرافیایي او ولسي اړیکو سره تړلي دي او د اړیکو خرابېدل تر ډېره پر سرحدي سیمو او د دواړو غاړو پر عامو خلکو مستقیم اغېز کوي

هغه له پاکستاني حکومت څخه غوښتي چې د افغانستان په اړه خپله تګلاره له سره وارزوي او د متقابل درناوي پر بنسټ د اړیکو د ښه کولو لپاره عملي ګامونه واخلي

د کاکړ څرګندونې په داسې مهال کېږي چې د کابل او اسلام‌اباد اړیکې د امنیتي اختلافاتو، سرحدي ستونزو او د دواړو هېوادونو ترمنځ د متقابلو تورونو له امله له سخت ترینګلي پړاو سره مخ دي