مقاله

اسراییل: غزه کې مو د حماس قوماندانان په هوايي برید کې په نښه کړي

اشتراک گذاری:

بریانیوزچهار شنبه ( ۲۶ / اسد /۱۴۰۵هـ.ش)

غزه – د اسراییلو پوځ وايي، د غزې ښار بندر ته څېرمه یې په یوه هوايي برید کې د حماس یو شمېر قوماندانان په نښه کړي دي

د اسراییلي پوځ په وینا، دغه کسان په غزه کې پر مېشتو اسراییلي ځواکونو د بریدونو د پلان جوړولو او همغږۍ په هڅو کې ښکېل وو

اسراییلي پوځ ویلي، برید یې د استخباراتي معلوماتو پر بنسټ ترسره کړی او ادعا کوي چې په نښه شوي کسان د اسراییلي ځواکونو پر وړاندې د بریدونو په طرحه کولو کې مهم رول درلود

تر اوسه د حماس له لوري د دغه برید او د اسراییلو د پوځ د ادعاوو په اړه رسمي جزئیات نه دي خپاره شوي

دا برید په داسې مهال کېږي چې په غزه کې جګړه لا هم روانه ده او د سیمې په بېلابېلو برخو کې د هوايي او ځمکنیو عملیاتو له امله د ملکي وګړو د خوندیتوب په اړه اندېښنې دوام لري