اخبار جهان

ریچارډ بېنټ: د طالبانو د حساب ورکونې لپاره نوی نړیوال میکانیزم جوړېږي

اشتراک گذاری:

(بریانیوز شنبه (۴/ میزان /۱۴۰۵هـ.ش

د افغانستان لپاره د ملګرو ملتونو ځانګړي راپور ورکوونکي ریچارډ بېنټ ویلي، د طالبانو د حساب ورکونې لپاره د یوه نوي نړیوال میکانیزم د رامنځته کېدو هڅې روانې دي

بېنټ د ملګرو ملتونو د عمومي اسامبلې په څنډه کې یوې غونډې ته ویلي، په افغانستان کې د ښځو او نجونو روان وضعیت د ده په وینا، په ښکاره ډول «جنسیتي اپارتاید» دی او نړیواله ټولنه باید دغه وضعیت په همدې نوم په رسمیت وپېژني

نوموړي د طالبانو د چارواکو پر وړاندې د نړیوالې جزایي محکمې له لوري د نیولو د حکمونو صادرېدو ته اشاره کړې او ویلي یې دي چې د افغانستان په اړه د څېړنیز میکانیزم رامنځته کېدل هم د حساب ورکونې په برخه کې مهم ګامونه دي

بېنټ ټینګار کړی چې دغه حقوقي او څېړنیز اقدامات ښيي چې د افغانستان د وضعیت په اړه د حساب ورکونې لپاره د یوه نړیوال چوکاټ د جوړېدو بهیر روان دی

هغه ټینګار کړی چې د بشري حقونو د سرغړونو په اړه باید نړیواله ټولنه د حساب ورکونې او عدالت لپاره خپلو هڅو ته دوام ورکړي