مقاله

پاکستان سرحدي ځواکونو: په تربت کې ۴۵ افغان کډوال نیول شوي

اشتراک گذاری:

(بریانیوزپنجشنبه (۹/ میزان /۱۴۰۵هـ.ش

د بلوچستان په تربت ښار کې پاکستاني سرحدي ځواکونو ۴۵ افغان کډوال نیولي دي چې د چارواکو په وینا، په ناقانونه توګه یې سفر کاوه

نیول شوي کسان د نورو قانوني اقداماتو لپاره سیمه‌ییزو پولیسو ته سپارل شوي دي. د معلوماتو له مخې، ډېری افغان کډوال له ایران څخه د اروپا پر لور د تګ لپاره د بلوچستان له ځینو مسیرونو څخه تېرېږي

دا پېښه په داسې مهال شوې چې یوازې یوه ورځ وړاندې په همدې سیمه کې د درېیو افغان کډوالو جسدونه هم موندل شوي وو. پولیسو د وژل شویو کسانو هویت سلیم، شېر اغا خان او نجیب‌الدین ښودلی دی

په ورته پېښه کې یو بل افغان هم ټپي شوی و چې د درملنې لپاره روغتون ته انتقال شوی دی.

د پرله‌پسې نیونو او ورته پېښو له تکرار څخه ښکاري چې له ایران څخه د پاکستان له لارې اروپا ته د تګ هڅه کوونکي افغان کډوال لا هم له جدي خطرونو سره مخ دي. د اوږدو او ناامنو مسیرونو ترڅنګ، د قاچاقي لارو کارول د نیول کېدو، ټپي کېدو او د مرګ خطر هم زیاتوي