اخبار فوری
فــــهــــيـــم شـاهـیـن
13 میزان 1405
25
د جي اووه هېوادونه : د انرژۍ د بیو د راکمولو لپاره ۱۰۰ میلیونه بېرله تېل خوشې کوي
(بریانیوز دوشنبه(۱۳/ میزان /۱۴۰۵هـ.ش
د جي اووه هېوادونو مشرانو پرېکړه کړې چې د انرژۍ د نړیوالو بازارونو د ثبات او د تېلو او سونتوکو د لوړو بیو د اغېزو د کمولو لپاره له خپلو بېړنیو زیرمو څخه ۱۰۰ میلیونه بېرله تېل او ډیزل خوشې کړي
د فرانسې ولسمشر امانویل مکرون ویلي، دغه اقدام به د انرژۍ له نړیوالې ادارې سره په همغږۍ ترسره شي او د څلورو میاشتو په موده کې به بشپړ شي. د پلان له مخې، د ډیزلو د پام وړ برخه به په لومړیو ۲۰ ورځو کې بازار ته وړاندې شي
د چارواکو په وینا، د ستراتیژیکو زیرمو د تېلو خوشې کول د دې لپاره دي چې د نړیوالو انرژۍ بازارونو کې د عرضې فشار کم او د بیو د لا لوړېدو مخه ونیول شي. د دې پرېکړې له اعلان وروسته د نړیوالو تېلو بیې هم راټیټې شوې دي
بلخوا، د امریکا ولسمشر ډانلډ ټرمپ له امریکایانو غوښتي چې د تېلو د لوړو بیو وضعیت وزغمي. د ده ادارې هممهاله نږدې یو میلیون امریکایانو ته د روغتیايي بیمې د پیسو د بېرته ورکولو په نوم د ۵۰۰ ډالرو د ورکړې بهیر پیل کړی دی
د امریکا د حکومت د معلوماتو له مخې، نږدې یو میلیون کسان په ۳۰ ایالتونو کې د ۵۰۰ ډالرو له دغو بېرته ورکړل کېدونکو پیسو څخه برخمن کېږي. دا پیسې د روغتیايي بیمې د فدرالي پروګرام له ګډونوالو سره تړاو لري او د حکومت په وینا، د بیمې د پخوانیو اضافي فیسونو د بېرته ورکولو په موخه ورکول کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl