اخبار فوری
تهران/ اسلام آباد: د ایران او پاکستان استازو په مسکو کې د افغانستان او سیمهییزو بدلونونو په اړه خبرې وکړی
فــــهــــيـــم شـاهـیـن
13 میزان 1405
28
تهران/ اسلام آباد: د ایران او پاکستان استازو په مسکو کې د افغانستان او سیمهییزو بدلونونو په اړه خبرې وکړی
(بریانیوز دوشنبه(۱۳/ میزان /۱۴۰۵هـ.ش
د ایران د بهرنیو چارو وزارت د جنوبي اسیا د برخې مسوول محمدرضا بهرامي ویلي، د مسکو فارمټ د اتمې غونډې له پیل مخکې یې د افغانستان لپاره د پاکستان له ځانګړي استازي محمد صادق خان سره لیدلي دي
بهرامي ویلي، په دې لیدنه کې د سیمې د روانو بدلونونو او اړوندو موضوعاتو په اړه خبرې شوې دي. نوموړي دغه کتنه «دوستانه او رغنده» بللې ده
د ایران او پاکستان د استازو دا لیدنه داسې مهال شوې چې د افغانستان په اړه د مسکو فارمټ اتمه مشورتي غونډه نن، دوشنبه د تلې ۱۳مه یا د اکتوبر ۵مه، په مسکو کې جوړېږي
په دې غونډه کې د افغانستان، روسیې، ایران، پاکستان، چین، هند او د منځنۍ اسیا د هېوادونو استازي او لوړپوړي چارواکي ګډون کوي. د غونډې د بحثونو له مهمو موضوعاتو څخه د افغانستان او سیمې ترمنځ سیاسي او اقتصادي همکاري، له ترهګرۍ او نشهيي توکو سره مبارزه او د سیمهییزې همکارۍ پیاوړتیا بلل شوې ده
د افغانستان پلاوی به د بهرنیو چارو وزیر امیرخان متقي په مشرۍ په دې غونډه کې ګډون وکړي. د مسکو د معلوماتو له مخې، د افغانستان او پاکستان ترمنځ وروستي کړکېچونه هم د غونډې له مهمو موضوعاتو څخه دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl