اخبار فوری
د طالبانو دوه وزیران د ښځو او نجونو د ځورونې په تور د جرمونو نړیوالې محکمې تر څار لاندې
شفيق احمد
13 میزان 1405
39
د طالبانو د پوهنې وزیر حبیبالله آغا او د لوړو زدهکړو وزیر ندا محمد ندیم د ښځو او نجونو د ځورونې او تعقیب په تور د جرمونو د نړیوالې محکمې له لوري تر تعقیب لاندې راغلي دي. د دغو دوو طالب چارواکو د نیولو حکم، چې د ۱۴۰۴ کال د سنبلې په ۱۸مه صادر شوی و، د دوشنبې په ورځ علني شو.
بریانیوز- دوشنبه، ١٣ میزان ١٤٠٥
د دغو دوو وزیرانو نومونه د طالبانو د مشر هبتالله اخوندزاده او د دې ډلې د سترې محکمې د رئیس عبدالحکیم حقاني ترڅنګ په دغه قضیه کې یاد شوي دي.
د هالنډ په هاګ کې د جرمونو د نړیوالې محکمې قاضیانو ویلي، داسې معقول دلایل شته چې ښيي دغه څلور طالب چارواکي د ښځو او نجونو د ځورونې او تعقیب په موخه د اقداماتو په امر، هڅولو یا تشویق کې ونډه لرلې ده.
د جرمونو د نړیوالې محکمې د اساسنامې له مخې، د خلکو ځورونه او تعقیب د بشریت پر ضد د جرمونو له مصداقونو څخه شمېرل کېږي.
حبیبالله آغا او ندا محمد ندیم د افغانستان د پوهنې او لوړو زدهکړو وزارتونه رهبري کوي؛ هغه ادارې چې د طالبانو له لوري د نجونو پر مخ د ښوونځیو او د ښځو او نجونو پر مخ د پوهنتونونو د دروازو په تړلو کې مهم رول لري.
تر دې وړاندې اروپايي ټولنې هم حبیبالله آغا او ندا محمد ندیم د ښځو او نجونو د زدهکړو د حقونو په محدودولو کې د دوی د رول له امله تحریم کړي وو.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl