روسیه په افغانستان او منځنۍ اسیا کې د امنیتي ګواښونو په اړه غونډه جوړوي

اشتراک گذاری:

روسیه په افغانستان او منځنۍ اسیا کې د زیاتېدونکو امنیتي اندېښنو په اړه د سیمه‌ییزو سازمانونو د استازو غونډه جوړوي.

بریانیوز- جمعه، ١٧ میزان ١٤٠٥

ټاکل شوې ده چې دا غونډه د اکتوبر پر ۱۵ او ۱۶ نېټو په مسکو کې د ګډ امنیتي تړون سازمان (CSTO)، د خپلواکو دولتونو د ګډو ګټو ټولنې (CIS) او د شانګهای همکاریو سازمان (SCO) د استازو په ګډون جوړه شي.

د غونډې ګډونوال به د ترهګریزو فعالیتونو د زیاتوالي، د نشه‌یي توکو د قاچاق او د دغو سازمانونو غړو هېوادونو ته د متوجه امنیتي ګواښونو په اړه بحث وکړي.

روسیه یوازینی هېواد دی چې د طالبانو حکومت یې په رسمیت پېژندلی دی. په داسې حال کې چې مسکو د افغانستان او منځنۍ اسیا پر امنیتي وضعیت د اندېښنې څرګندونه کوي، دا غونډه به د سیمې د امنیتي ننګونو پر وړاندې د ګډې همکارۍ پر لارو چارو متمرکزه وي.