سیاست

فیصل کریم کنډي: ناقانونه افغانان به له پاکستانه وشړو

اشتراک گذاری:

(بریانیوز سه شنبه (۲۱/ میزان /۱۴۰۵هـ.ش

د خیبر پښتونخوا لپاره د پاکستان والي فیصل کنډي ادعا کړې، چې په پاکستان کې په ترهګریزو پېښو کې افغانان ښکېل دي او د نوموړي په وینا، په هره داسې پېښه کې یو یا څو افغانان لاس لري. هغه ټینګار کړی، چې ټول ناقانونه مېشت افغانان به له پاکستانه وباسي او دا یې خپل رسمي مسؤلیت بللی دی

فیصل کنډي ویلي، چې د ناقانونه افغان کډوالو د ایستلو په برخه کې به خپله دنده ترسره کړي. د هغه دا څرګندونې په داسې حال کې کېږي، چې په پاکستان کې د افغان کډوالو د بېرته ستنولو بهیر دوام لري او د افغانانو د استوګنې او قانوني وضعیت موضوع د دواړو هېوادونو ترمنځ له مهمو بحثونو څخه ده

په پاکستان کې چارواکي د امنیتي اندېښنو په تړاو د افغانانو موضوع مطرح کوي، خو په ترهګریزو پېښو کې د افغانانو د ښکېلتیا په اړه دا ډول ادعاوې د کره شواهدو او څېړنو غوښتنه کوي