اخبار جهان

نړیواله جنايي محکمه: د افغانستان د پخوانیو جنګي جرمونو د ځینو څېړنو د تړلو پرېکړه وکړه

اشتراک گذاری:

(بریانیو شنبه (۲۳/ عـقـرب/۱۴۰۵هـ.ش

د جرمونو نړیوالې محکمې (آی سي سي) قاضیانو پرېکړه کړې چې په افغانستان کې د امریکايي ځواکونو او د داعش خراسان ډلې د احتمالي جنګي جرمونو اړوند څېړنې په رسمي ډول وتړي او خپل تمرکز د ۲۰۲۱ کال راهیسې په افغانستان کې د ترسره شویو کړنو پر څېړلو واړوي

د راپور له مخې، د محکمې قاضیانو ویلي چې څارنوالانو د یادو قضیو د لا څېړلو لپاره کافي وړتیا او امکانات نه دي ثابت کړي

خو د نړیوالې جنايي محکمې څارنوالۍ د دغې پرېکړې پر ضد د استیناف غوښتنه کړې ده

دا پرېکړه په داسې حال کې کېږي چې امریکا تر دې وړاندې په افغانستان کې د خپلو ځواکونو د کړنو د څېړنې او همداراز د اسراییلي چارواکو د نیولو د حکمونو له امله پر نړیوالې جنايي محکمې بندیزونه لګولي وو

سره له دې، د اسلامي امارت د څلورو مشرانو د نیولو صادر شوي حکمونه لا هم پر خپل ځای پاتې دي

د نړیوالې جنايي محکمې وروستۍ پرېکړه یو ځل بیا په افغانستان کې د احتمالي جنګي جرمونو د حساب‌ورکونې او عدلي څېړنو په اړه بحثونه را تازه کړي دي