صحّت

بېل ګېټس: د میندو د مړینې په کمولو کې د نړۍ پرمختګ ورو شوی

اشتراک گذاری:

(بریانیو جمعه (۲۲/ عـقـرب/۱۴۰۵هـ.ش

د مایکروسافټ بنسټګر، بېل ګېټس، ویلي چې په تېرو دوو لسیزو کې په نړۍ کې د میندو د مړینې کچه شاوخوا ۴۰ سلنه راکمه شوې، خو په وروستیو کلونو کې په دې برخه کې د پرمختګ بهیر ورو شوی دی

نوموړي د میندو د روغتیايي وضعیت د ښه‌والي پر اړتیا ټینګار کړی او ویلي یې دي چې د میندو د مړینې د مخنیوي لپاره لا هم پراخو روغتیايي خدمتونو او پانګونې ته اړتیا شته

دا په داسې حال کې ده چې د ملګرو ملتونو د بشري مرستو د همغږۍ دفتر، اوچا، د راپور له مخې په افغانستان کې له هرو ۱۰۰ زرو زېږونونو سره شاوخوا ۶۰۰ میندې خپل ژوند له لاسه ورکوي

د میندو د مړینې لوړه کچه په افغانستان کې د روغتیايي خدمتونو محدود لاسرسی، د مسلکي روغتیايي کارکوونکو کمښت او په ځانګړې توګه په لرې پرتو سیمو کې د روغتیايي مرکزونو نشتوالی له مهمو ننګونو څخه ګڼل کېږي

د روغتیايي بنسټونو په باور، د میندو روغتیا ته پاملرنه او د امیندوارۍ او زېږون پر مهال د باکیفیته روغتیايي خدمتونو پراختیا کولی شي د میندو د مړینې کچه راکمه او د زرګونو کورنیو ژوند خوندي کړي