آریانا افغان هوايي شرکت:د مزارشریف او استانبول ترمنځ مستقیمې الوتنې پیلېږي

اشتراک گذاری:

(بریانیو پنجشنبه (۲۱/ عـقـرب/۱۴۰۵هـ.ش

آریانا افغان هوايي شرکت اعلان کړی چې د پنجشنبې له ورځې به د مزارشریف او د ترکیې د استانبول ښار ترمنځ مستقیمې الوتنې پیل کړي

د دغه شرکت د خبرپاڼې له مخې، په دې نوې هوايي لاره کې به لومړنۍ الوتنه د پنجشنبې په ورځ ترسره شي او د یو اړخیز سفر د ټکټ بیه ۴۸۰ امریکايي ډالره ټاکل شوې ده

آریانا افغان هوايي شرکت ویلي، د دغو مستقیمو الوتنو په پیلېدو سره به د مسافرو سفرونه اسانه شي او د افغانستان او ترکیې ترمنځ به د سوداګریزو او اقتصادي اړیکو د پراختیا لپاره هم لا ډېر فرصتونه برابر شي

د مزارشریف او استانبول ترمنځ د مستقیمې هوايي لارې پرانیستل د دواړو هېوادونو ترمنځ د تګ راتګ او سوداګریزو اړیکو د پیاوړتیا په برخه کې یو مهم ګام بلل کېږي