سیاست

محسن رضايي: د ایران او امریکا ترمنځ هېڅ مذاکرات روان نه دي

اشتراک گذاری:

(بریانیو چهار شنبه (۲۰/ عـقـرب/۱۴۰۵هـ.ش

د ایران د ملي امنیت د عالي شورا منشي، محسن رضايي، ویلي چې دا مهال د ایران او امریکا ترمنځ هېڅ ډول مذاکرات نه روان دي رضايي په یوه مرکه کې ویلي، امریکا باید د هرمز تنګي له پرانیستل کېدو او د دواړو هېوادونو ترمنځ د مذاکراتو له بیا پیلېدو مخکې، د اسلام‌اباد په تفاهم کې ټاکل شوي اووه شرطونه ومني او عملي یې کړي هغه ټینګار کړی چې تهران له واشنګټنه د دغو شرطونو په اړه د روښانه ځواب غوښتنه کړې، خو تر اوسه د امریکا له لوري کوم ځواب نه دی ترلاسه شوی د ایران د ملي امنیت د عالي شورا منشي د امریکا له مرستیال ولسمشر سره د احتمالي لیدنې په اړه خپاره شوي راپورونه هم رد کړي او هغه یې بې‌بنسټه بللي دي د رضايي څرګندونې په داسې حال کې کېږي چې په وروستیو ورځو کې د ایران او امریکا ترمنځ د احتمالي خبرو او د دواړو هېوادونو د چارواکو د لیدنې په اړه بېلابېل راپورونه خپاره شوي دي