اخبار جهان

تهران: پزشکیان د ملګرو ملتونو د اقلیمي غونډې لپاره ترکیې ته ځي

اشتراک گذاری:

(بریانیو چهار شنبه (۲۰/ عـقـرب/۱۴۰۵هـ.ش

د ایران ولسمشر، مسعود پزشکیان، ټاکل شوې چې نن چهارشنبه د ملګرو ملتونو د اقلیمي اقدام د مشرانو په غونډه کې د ګډون لپاره د ترکیې د انتالیا ښار ته سفر وکړي

د ایراني رسنیو د راپورونو له مخې، پزشکیان به د دې غونډې په څنډه کې، چې د نومبر په ۱۱ او ۱۲مه نېټه ترسره کېږي، د ګډون کوونکو هېوادونو له یو شمېر مشرانو او لوړپوړو چارواکو سره لیدنې او خبرې اترې هم وکړي

ټاکل شوې چې په دې غونډه کې د اقلیمي بدلونونو له ناوړه اغېزو سره د مخامخ زیان‌منونکو هېوادونو د ملاتړ لپاره د مالي سرچینو د زیاتولو پر موضوع بحث وشي

د راپورونو له مخې، په دې برخه کې د مالي مرستو د کچې د لوړولو وړاندیز له ۳۰۰ میلیارد ډالرو څخه یو ټریلیون او ۳۰۰ میلیارد ډالرو ته د زیاتولو په اړه ارزول کېږي

دا غونډه په داسې حال کې ترسره کېږي چې د اقلیمي بدلونونو اغېزې په نړۍ کې مخ په زیاتېدو دي او زیان‌من هېوادونه د دغو ستونزو د مخنیوي او ورسره د مبارزې لپاره د نړیوالې ټولنې د لا زیات مالي ملاتړ غوښتنه کوي