تکنولوژی

چین : د لوکس موټرو د سیالۍ لپاره ۳۰۰ زره ډالري طلایي برقي موټر جوړ کړ

اشتراک گذاری:

(بریانیو چهار شنبه (۲۰/ عـقـرب/۱۴۰۵هـ.ش

چین د رولز رایس او مرسډیز مایباخ په څېر لوکس موټرو سره د سیالۍ په موخه د «ډاینګیاو» په نوم یو نوی طلایي برقي موټر جوړ کړی، چې بیه یې شاوخوا ۳۰۰ زره ډالره ښودل شوې ده

په دې موټر کې ۲۴ قیراطه سره زر او ۱۳۷ قیمتي غمي کارول شوي، چې د دې موټر ظاهري بڼه یې لا ډېره ځانګړې او لوکس کړې ده

د راپورونو له مخې، دغه برقي موټر په نهو دقیقو کې تر ۹۷ سلنې پورې چارج کېدای شي او څلور برقي ماشینونه لري

د دې موټر بله ځانګړنه دا ده چې د اوبو پر مخ د حرکت او له اوبو څخه د تېرېدو وړتیا هم لري

ویل کېږي چې «ډاینګیاو» په یو ځل بشپړ چارج سره تر زر کیلومترو پورې مزل کولی شي
د چین د دې نوي لوکس برقي موټر جوړول په داسې حال کې کېږي چې د نړۍ د موټر جوړونې صنعت د پرمختللو برقي او لوکس وسایطو پر تولید او نوښتونو تمرکز زیات کړی دی