اقتصاد

زیتون : سږ کال به په ننګرهار کې ۱۶۵ زره لیټره زیتون تېل تولید شي

اشتراک گذاری:

(بریانیو چهار شنبه (۲۰/ عـقـرب/۱۴۰۵هـ.ش

د امارتي شرکتونو عمومي ریاست وايي، ټاکل شوې چې سږ کال د ننګرهار وادي کرنیز امارتي شرکت اړوند په څلورو فارمونو کې د زیتون له حاصلاتو څخه شاوخوا ۱۶۵ زره لیټره زیتون تېل او ۱۶ ټنه د زیتون اچار تولید شي

د یاد ریاست په خبرپاڼه کې راغلي چې د زیتون په بڼونو کې د حاصلاتو د زیاتوالي مهم لامل د باغونو ښه مدیریت، مناسبه ساتنه او د کرنیزو تخنیکي فعالیتونو پلي کول دي

سرچینې زیاته کړې چې د دغو هڅو په پایله کې به د زیتون د پروسس بهیر لا پراخ شي او د تولیداتو کچه به هم لوړه شي

د زیتون د تولیداتو زیاتوالی کولی شي د هېواد د کورنیو اړتیاوو په پوره کولو او د کورنیو تولیداتو په پراختیا کې مهم رول ولوبوي

د چارواکو په وینا، د کرنیزو تولیداتو پراختیا او د کورنیو محصولاتو ملاتړ د هېواد د اقتصادي ودې او ځان‌بسیاینې لپاره هم ځانګړی اهمیت لري