اخبار جهان

مارکو روبیو: پر ایران د پراخو پوځي بریدونو بیا پیل ته اړتیا نه وینو

اشتراک گذاری:

(بریانیو چهار شنبه (۲۰/ عـقـرب/۱۴۰۵هـ.ش

د امریکا د بهرنیو چارو وزیر، مارکو روبیو، ویلي چې واشنګټن پر ایران د پراخو پوځي بریدونو بیا پیل ته اړتیا نه ویني، ځکه د امریکا اقتصادي بندیزونو پر ایران اغېز کړی دی

روبیو د فرانسې په پلازمېنه پاریس کې د جي۷ هېوادونو د بهرنیو چارو وزیرانو تر غونډې وروسته وویل چې پر ایران اوسنی اقتصادي فشار دومره سخت دی چې پراخو پوځي عملیاتو ته اړتیا نه لیدل کېږي

هغه زیاته کړه: «دا هغه پیغام دی چې نن مې دلته خپلو متحدینو ته ورساوه

د امریکا د بهرنیو چارو وزیر د ایران له خوا د احتمالي هوکړې لپاره وړاندې شوي شرطونه یو ځل بیا «مسخره» وبلل، خو ټینګار یې وکړ چې واشنګټن یوې رښتینې هوکړې» ته چمتو دی

تر دې وړاندې د امریکا ولسمشر، ډانلډ ټرمپ، هم ویلي وو چې پر ایران د پوځي بریدونو بیا پیل «ډېر ناشونی او غیر ضروري» دی
د روبیو دا څرګندونې په داسې حال کې کېږي چې د واشنګټن او تهران ترمنځ کړکېچونه دوام لري او دواړه لوري د احتمالي خبرو او یوې هوکړې لپاره د خپلو دریځونو پر سر اختلاف لري