د عامې روغتیا وزارت : په هېواد کې پر تنفسي ناروغیو د اخته کسانو شمېر له شپږ میلیونو اوښتی

اشتراک گذاری:

(بریانیو پنجشنبه (۲۱/ عـقـرب/۱۴۰۵هـ.ش

د ژمي موسم له رانږدې کېدو او د هوا له بدلون سره، تنفسي ناروغۍ په افغانستان کې پر یوې مهمې روغتیايي اندېښنې بدلې شوې دي

د عامې روغتیا وزارت د شمېرو له مخې، د روان میلادي کال په لومړیو نهو میاشتو کې له شپږ میلیونو ډېر کسان د تنفسي ناروغیو له امله روغتیايي مرکزونو ته مراجعه کړې ده

د دغو ناروغانو د پام وړ برخه له پنځو کلونو کم‌عمره ماشومان جوړوي، چې د موسمي ناروغیو پر وړاندې ډېر زیان‌من بلل کېږي

د اسلامي امارت د عامې روغتیا وزارت ویاند، شرافت‌زمان امرخېل، ویلي: «نږدې شپږ میلیونه ناروغانو موږ ته مراجعه کړې، چې ماشومان او لویان دواړه پکې شامل دي او روغتیايي خدمتونه ورته وړاندې شوي دي

هغه زیاته کړې چې د تنفسي ناروغیو له امله د مړینې په شمېرو کې مثبت بدلون راغلی او د تېر په پرتله د مړینې کچه راټیټه شوې ده
د هوا په سړېدو سره د تنفسي ناروغیو د زیاتېدو احتمال هم شته، له همدې امله روغتیايي چارواکي پر خلکو ټینګار کوي چې د ناروغیو د مخنیوي لپاره لازمې روغتیايي سپارښتنې په پام کې ونیسي