اخبار جهان

بغداد: له عراقه ایران ته د خامو تېلو د قاچاق پراخې شبکې فعالیت کوي

اشتراک گذاری:

(بریانیو پنجشنبه (۲۱/ عـقـرب/۱۴۰۵هـ.ش

د عراق په یوه استخباراتي راپور کې، چې «سکای نیوز عربي» ته رسېدلی، ویل شوي چې د دغه هېواد له شمالي سیمو ایران ته د خامو تېلو د قاچاق پراخې شبکې فعالیت کوي او د دغو تېلو چاڼ شوي محصولات د افغانستان او ترکیې په ګډون په بهرنیو بازارونو کې پلورل کېږي د راپور له مخې، قاچاق شوي خام تېل د ځمکنیو او غیررسمي لارو له لارې ایران ته لېږدول کېږي او له چاڼ او پروسس وروسته بېرته بهرنیو بازارونو ته صادرېږي په راپور کې ویل شوي چې د دغو قاچاقي شبکو اساسي موخه د نړیوالو بندیزونو له پلي کېدو تېښته او د تېلو محصولات له رسمي او قانوني چوکاټونو بهر لېږدول دي استخباراتي معلومات ښيي چې دغه شبکې د تېلو د لېږد، چاڼ او وېش لپاره له غیررسمي سوداګریزو لارو کار اخلي، څو له مالي څارنې او کنټرولي میکانیزمونو ځانونه پټ وساتي په راپور کې د افغانستان نوم د هغو بهرنیو بازارونو په توګه یاد شوی چې د قاچاق شویو تېلو پروسس شوي محصولات ورته رسېږي، خو د دغو فعالیتونو د کچې او د احتمالي ښکېلو اړخونو په اړه نور جزییات نه دي ورکړل شوي